Cyfeiriaf at y cyfarfod cyhoeddus yn Neuadd Ogwen, Bethesda ar Nos Llun 28 Ionawr i drafod y cynllun uchod.

Ar ran aelodau’r Gymdeithas hoffwn roi gwybod i chwi ein bod yn gwrthwynebu’n gryf yr holl gynllun oherwydd yr effaith fyddai’n cael ar ein aelodau a’n pysgota.

Mae gan y Gymdeithas 300 o aelodau ac mae’n rhan o’n cyfansoddiad ein bod yn darparu pysgota i bobl lleol am bris mor rhesymol o isel a phosib. Pe bai’r cynllun yma yn dod i rym byddai’n golygu cost ychwanegol i bob pysgotwr bob tro maent eisiau mynd i bysgota. Yn ogystal, yn yr haf bydd nifer o’n aelodau yn hoffi mynd i bysgota gyda thoriad gwawr a gyda’r hwyr fel mae’n tywyllu ac mi fyddai’r cynllun yn effeithio ar hyn.

Gallwn ragweld y bydd nifer helaeth o’n aelodau yn penderfynu peidio ac ymaelodi am nad ydynt yn barod i dalu am fynd i bysgota. Yn dilyn o hyn ni allwn gynnal y Gymdeithas a bydd y pysgota yn disgyn i ddwylo clwbiau mwy cyfaethog o tu allan i Gymru, gyda pysgotwyr lleol yn ddioddef.

Yn ogystal a physgotwyr lleol mae oddeutu 100 o ymwelwyr y tymor yn dod i bysgota ein dyfroedd gan ddisgwyl cael mynediad at y dyfroedd yn eu hamser eu hunain heb ddibynnu ar fwsiau lleol.

 Sylwad Nesaf

Yn ôl