YMGYNGHORIAD hvnod werthfawr ac adeiladol

Mae ymgynghoriad helaeth yn Eryri a'r ardal wedi cynhyrchu syniadau ar y modd y gellid datblygu twristiaeth a thrafnidiaeth gyhoeddus yn yr ardal.

Dros y misoedd diwethaf mae Goriad Gwyrdd Eryri wedi cynnal saith cyfarfod cyhoeddus yn yr ardal, ac mae strategaeth drafft sydd yn cynnig syniadau am sut y gellir integreiddio y diwydiant twristiaeth gyda'r economi lleol wedi cael ei rhannu o gwmpas ardal eang.

Bu'r ymateb i'r ymgynghoriad yn rhyfeddol- derbyniwyd miloedd o lythyrau a negeseuon e bost, a mynychwyd y cyfarfodydd cyhoeddus gan lawer. Daethpwyd i gytundeb bod Eryri yn ardal anhygoel, yn le unigryw ac y dylid ei rheoli gyda gofal a dealltwriaeth. Derbyniwyd nifer o gynigion ynglyn â'r ffyrdd y gellid gwella enillion economaidd o dwristiaeth o fusnesau lleol ac o'r gymuned yn gyffredinol.

Fel canlyniad i'r ymateb rhyfeddol mewn perthynas ag un agwedd o'r cynllun, yr elfen "Parcio a Theithio", bydd y Bartneriaeth yn ailgysidro ei gynigion ac yn cynhyrchu cynlluniau diwygiedig gyda chymorth ymgynghorwyr a chyda chydweithrediad a chyfraniad llwyr gan bobl leol a phartïon sydd â diddordeb.

"0 hyn ymlaen, bydd rhaid i'r Fenter, os am lwyddo i gyflawni ei bwrpas, gael ei datblygu gyda chydweithrediad a chefnogaeth y gymuned leol a thrwy ymgynghori clos gyda'r holl bartïon sydd â diddordeb." Meddai'r Cyng, Dafydd Iwan, Cadeirydd Grwp Gweithredol Menter Goriad Gwyrdd Eryri.

Nododd Cyng Iwan fod yr ymresymiad y tu ôl i'r cynllun wedi ei golli i ryw raddau, fel canlyniad i'r ymateb ar yr elfen 'Parcio a Theithio': "Rydym eisiau clirio'r mater- nid oedd hi'n fwriad i'r Menter Goriad Gwyrdd Eryri fod yn gynllun Parcio a Theithio gorfodol. Ei brif bwrpas yw datblygu potensial hynod Eryri, yn y tymor hir ac mewn modd cynaliadwy, er mwyn cryfhau yr economi lleol, a gwella safon byw ar gyfer cymunedau lleol a holl amrywiol ddefnyddwyr y cyfleusterau lleol.

Hoffai Goriad Gwyrdd Eryri, partneriaeth sydd yn cynnwys Cyngor Gwynedd, Cyngor Conwy, Awdwdod Pare Cenedlaethol Eryri, Cyngor Cefngwlad Cymru, Asiantaeth Datblygu Cymru, a Bwrdd Twristiaeth Cymru, ddiolch i bawb sydd wedi cymryd rhan yn y broses ymgynghori llwyddiannus hon, a'u sicrhau fod eu barn a'u syniadau adeiladol wedi cael eu derbyn.

Yn ôl